Orta ixtisas təhsili müəssisələri üzrə ən çox boş plan yeri qalan kolleclərin siyahısı açıqlanıb.
Sumqayit.tv AzEdu.az-a istinadən xəbər verir ki, statistikaya əsasən, Azərbaycan Milli Konservatoriyası nəzdində Sumqayıt Musiqi Kolleci ən çox boş plan yeri qalan kolleclər arasında ikinci yerdə qərarlaşıb.
Belə ki, kollecə ayrılmış 115 plan yerinin 51-i boş qalıb. Bu isə ümumi plan yerlərinin 44,35 faizini təşkil edir.
Bununla yanaşı, Sumqayıt Dövlət Universitetinin nəzdində Sumqayıt Dövlət Texniki Kolleci isə ən az boş plan yeri qalan təhsil müəssisələri sırasında yer alıb. Kollecə ayrılan 194 plan yerindən cəmi 2-si boş qalıb ki, bu da 1,03 faiz deməkdir.
Qeyd edək ki, ümumilikdə ölkə üzrə kolleclərə ayrılmış 8 144 plan yerindən 677-si boş qalıb. Bu göstərici ümumi plan yerlərinin 8,31 faizini təşkil edir.
Bu gün, 13:58
8
