Milli Hidrometeorologiya Xidməti iyulun 18-nə olan hava proqnozunu açıqlayıb.
Sumqayit.tv xəbər verir ki, Bakıda və Abşeron yarımadasında hava şəraitinin yağmursuz keçəcəyi gözlənilir. Mülayim şimal-qərb küləyi əsəcək.
Paytaxtda havanın temperaturu gecə 22-26°, gündüz isə 30-35° isti olacaq.
Azərbaycanın əksər rayonlarında da hava əsasən yağmursuz keçəcək. Lakin bəzi dağlıq və dağətəyi rayonlarda arabir yağış yağacağı, ayrı-ayrı yerlərdə leysan xarakterli intensiv yağıntı, şimşək və dolu ehtimalı olduğu bildirilir. Gecə və səhər saatlarında bəzi dağlıq ərazilərdə duman müşahidə olunacaq.
Rayonlarda havanın temperaturu gecə 23-27°, gündüz 33-38° isti, dağlıq ərazilərdə isə gecə 14-18°, gündüz 22-27° isti təşkil edəcək.
Bu gün, 12:55
6
