Sumqayıtda baş vermiş ölüm hadisəsi ilə bağlı məhkum edilən Habil Qonşəliyevin işi yenidən Ali Məhkəmədə araşdırılacaq.
Sumqayit.tv Pravda.az- istinadən xəbər verir ki, 18 il azadlıqdan məhrum edilən Habil Qonşəliyev barəsində növbəti kassasiya şikayəti təqdim olunub. Şikayətə Ali Məhkəmənin hakimi İlqar Qılıcovun sədrliyi ilə baxılması nəzərdə tutulur.
Qeyd edək ki, hadisə 2024-cü il fevralın 4-də Sumqayıtda qeydə alınıb. İstintaq materiallarına əsasən, Habil Qonşəliyev ilə tanışı Rüfət Abdullayev arasında yaranan mübahisə dava ilə nəticələnib. Habil Qonşəliyev yumruq və təpik zərbələri ilə Rüfət Abdullayevə ağır xəsarətlər yetirib. Zərərçəkən aldığı xəsarətlərdən həyatını itirib.
Təqsirləndirilən şəxsə Cinayət Məcəlləsinin 120.2.11-ci və 235.4.3-cü maddələri ilə ittiham irəli sürülüb.
Sumqayıt Ağır Cinayətlər Məhkəməsinin hökmü ilə Habil Qonşəliyev 18 il müddətinə azadlıqdan məhrum edilib. Sonradan Sumqayıt Apellyasiya Məhkəməsi bu hökmü qüvvədə saxlayıb.
Məlumata görə, iş üzrə verilən yeni kassasiya şikayətinə Ali Məhkəmədə baxılacaq.
Bu gün, 12:48
13
