Zeynalabdin Tağıyev qəsəbəsində sakinlər elektrik enerjisinin kəsilməsindən şikayətlənirlər. 

Sumqayit.tv-yə daxil olan müraciətdə Zeynalabdin Tağıyev qəsəbəsinin Şirvan massivində yaşayan sakinlər elektrik enerjisinin verilişində yaranan fasilələrdən narazılıqlarını ifadə ediblər.

Sakinlərin sözlərinə görə, ərazidə elektrik enerjisi tez-tez kəsilir. Müraciətdə bildirilir ki, sonuncu dəfə işıqlar təxminən 7 saatdır söndürülüb və bu müddət ərzində problemin aradan qaldırılması ilə bağlı onlara hər hansı məlumat verilməyib.

Vətəndaşlar qeyd edirlər ki, elektrik enerjisinin kəsilməsi gündəlik məişət işlərinə ciddi çətinliklər yaradır və problemin həlli üçün aidiyyəti qurumların məsələyə operativ reaksiya verməsini istəyirlər.

Qeyd edək ki, məsələ ilə bağlı aidiyyəti qurumun mövqeyini öyrənməyə çalışacağıq.

Dünən, 20:50 49