Sumqayıtda dənizdə boğulmaq təhlükəsi yaşayan şəxs xilas edildi
Sumqayıtda dənizdə batma təhlükəsi ilə üzləşən şəxs Fövqəladə Hallar Nazirliyinin əməkdaşları tərəfindən xilas olunub.
Sumqayit.tv xəbər verir ki, hadisə şəhərin H.Z. Tağıyev qəsəbəsində, dənizin nəzarətsiz hissəsində baş verib. Bununla bağlı FHN-in "112" qaynar telefon xəttinə məlumat daxil olub.
Məlumat əsasında hadisə yerinə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb edilib.
Xilasedicilər 1996-cı il təvəllüdlü Ceyhun Hüseyn oğlu Quliyevi ən yaxın sularda xilasetmə məntəqəsindən təxminən 300 metr aralıda aşkar edərək təhlükəsiz şəkildə sahilə çıxarıblar.
22-07-2026, 11:11
53
