Abşeron çimərliklərində sabah gözlənilən hava şəraiti açıqlanıb.

Sumqayit.tv xəbər verir ki, Milli Hidrometeorologiya Xidməti iyulun 24-də Abşeron çimərliklərində müşahidə olunacaq hava şəraiti ilə bağlı məlumat yayıb.

Məlumata görə, gün ərzində cənub-şərq küləyi əsəcək.

Dəniz suyunun temperaturu şimal çimərliklərində 26-27 dərəcə isti təşkil edəcək. Bu göstərici Sumqayıt, Novxanı, Pirşağı, Nardaran, Bilgəh və Zuğulba çimərliklərini əhatə edir.

Cənub çimərliklərində isə (Türkan, Hövsan, Sahil və Şıx) dəniz suyunun temperaturunun 27-28 dərəcə isti olacağı proqnozlaşdırılır.

Mütəxəssislər vətəndaşlara çimərliklərdə istirahət zamanı hava şəraitini nəzərə almağı, xüsusilə uşaqların təhlükəsizliyinə diqqət yetirməyi və günün ən isti saatlarında uzun müddət günəş altında qalmamağı tövsiyə edirlər.

Bu gün, 12:20 5