Dünya çempionatından sonra transfer dəyəri ən çox artan futbolçuların siyahısı açıqlanıb.
Sumqayit.tv Oxu.Az-a istinadən xəbər verir ki, "Transfermarkt" portalı ABŞ, Kanada və Meksikada keçirilən 2026-cı il dünya çempionatının yekunlarına əsasən transfer dəyəri ən çox artan futbolçuların siyahısını açıqlayıb.
Siyahıya İngiltərə millisinin və "Mançester Siti" klubunun yarımmüdafiəçisi Elliot Anderson başçılıq edir. Onun transfer dəyəri 35 milyon avro artaraq 75 milyon avrodan 110 milyon avroya yüksəlib.
İkinci pillədə İngiltərə millisinin və İspaniyanın "Real Madrid" klubunun yarımmüdafiəçisi Cud Bellinqem qərarlaşıb. Futbolçunun transfer dəyəri 30 milyon avro artaraq 130 milyon avrodan 160 milyon avroya çatıb.
İlk üçlüyü isə Mərakeş millisinin və Fransanın "Lill" klubunun yarımmüdafiəçisi Əyyub Buaddi tamamlayır. Onun transfer dəyəri 50 milyon avrodan 80 milyon avroya yüksəlib.
İlk onluqda, həmçinin Erlinq Holand (+20 milyon avro), Lamin Yamal (+20 milyon avro), Pau Kubarsi (+20 milyon avro), Kilian Mbappe (+20 milyon avro), Maykl Olise (+20 milyon avro), Xulian Alvares (+20 milyon avro) və Morqan Rocers (+20 milyon avro) yer alıblar.
23-07-2026, 13:17
54
