Sumqayıt şirkətinə 10 min dollarlıq cərimə tətbiq edildi.
Sumqayıtda qeydiyyatda olan "İnşaatçı-Av Group" MMC barəsində inzibati cərimə tətbiq edilib.
Sumqayit.tv xəbər verir ki, şirkət 2024-cü ildə 53 930 ABŞ dollarını bank vasitəsilə avans ödənişi kimi xarici ölkəyə köçürsə də, qanunvericiliyin tələblərinə uyğun olaraq iki il ərzində həmin vəsait hesabına alınan mallar Azərbaycana idxal edilməyib, köçürülən məbləğ isə geri qaytarılmayıb.
Bununla bağlı Azərbaycan Mərkəzi Bankı tərəfindən tərtib olunan inzibati protokola Sumqayıt Şəhər Məhkəməsində baxılıb. Məhkəmənin qərarı ilə şirkət İnzibati Xətalar Məcəlləsinin 430.4-cü maddəsi ilə təqsirli bilinərək 10 786 ABŞ dolları məbləğində cərimə olunub.
Qeyd edək ki, açıq dövlət reyestrlərində yer alan məlumata görə, şirkətin hazırda 385 min manat vergi borcu da mövcuddur.
Mənbə: Demokrat.az
Dünən, 13:53
15
