9 və 11-ci siniflər üzrə buraxılış imtahanlarının nəticələrinə əsasən, Sumqayıt ölkə üzrə ən yüksək orta göstəriciyə malik şəhərlər sırasında yer alıb.
Sumqayit.tv AzEdu.az-a istinadən xəbər verir ki, Dövlət İmtahan Mərkəzinin (DİM) nəşr etdiyi "Abituriyent" jurnalının 12-ci sayında dərc olunan elmi-statistik təhlilə əsasən, 9-cu siniflər üzrə buraxılış imtahanında Sumqayıt şagirdləri 149,34 bal orta göstərici ilə ölkədə ən yüksək nəticəni əldə ediblər.
11-ci siniflər üzrə buraxılış imtahanında isə Sumqayıt 156,58 bal orta nəticə ilə Naxçıvandan sonra ikinci yerdə qərarlaşıb. İlk üçlüyü Bakı şəhəri tamamlayıb.
Qeyd edək ki, göstəricilər DİM-in "Abituriyent" jurnalının 12-ci nömrəsində dərc olunan rəsmi elmi-statistik təhlil əsasında hazırlanıb.
Bu gün, 11:57
8
