Qızıl alveri adı ilə dələduzluqda təqsirləndirilən Balaxanım Atakişiyevanın cinayət işi üzrə Ali Məhkəmə qərar verib.

Sumqayit.tv Pravda.az-a istinadən xəbər verir ki, hakim Ələsgər Novruzovun sədrliyi ilə keçirilən iclasda kassasiya şikayəti təmin olunub, əvvəlki qərar tamamilə ləğv edilərək iş yenidən baxılması üçün apellyasiya instansiyası məhkəməsinə göndərilib.

İttihama görə, Balaxanım Atakişiyeva Bakı və Sumqayıt şəhərlərində qızıl alveri ilə məşğul olub. O, "Moskva" univermağında çalışan Minarə İbayevadan etibar qazanaraq müxtəlif vaxtlarda qızıl-zinət əşyaları alıb və ödənişlərini edib.

İddialara əsasən, sonuncu dəfə zərərçəkmişdən, onun oğlu və kürəkənindən ümumilikdə 62 min manat dəyərində qızıl-zinət əşyaları götürsə də, pulunu qaytarmayıb. Daha sonra həmin məbləğin əvəzində "Toyota Prado" markalı avtomobil verəcəyini bildirsə də, vədinə əməl etməyib.

Qeyd edək ki, Balaxanım Atakişiyeva polis tərəfindən saxlanılmış, Sumqayıt Ağır Cinayətlər Məhkəməsi isə onun təqsirinin sübuta yetirilmədiyi qənaətinə gələrək bəraət hökmü çıxarmışdı. Zərərçəkmiş tərəfin kassasiya şikayətindən sonra iş yenidən apellyasiya məhkəməsində araşdırılacaq.

Bu gün, 10:18 32