Ceyranbatan qəsəbəsində yerləşən "Ekopark" Yaşayış Kompleksində baş verən yanğın zamanı bina sakinləri dəhşətli anlar yaşayıblar.
Sumqayit.tv xəbər verir ki, doqquzmərtəbəli yaşayış binasının elektrik şaxtasında və sayğaclarda baş verən yanğın FHN əməkdaşlarının operativ müdaxiləsi nəticəsində qısa müddətdə söndürülüb və alovun genişlənməsinin qarşısı alınıb.
Hadisə zamanı bina sakinləri təxliyə olunub. İlkin məlumata görə, tüstüdən zəhərlənənlər var. Faktla bağlı araşdırma aparılır.
Hadisə şahidlərindən biri bildirib ki, yanğın zamanı binada panika yaşanıb. Onun sözlərinə görə, tüstüdən boğulanlar, kömək üçün qışqıranlar, hətta xilas olmaq üçün özünü binadan atan insanlar da olub.
Video:Baku TV
Bu gün, 10:33
9
