Dövlət İmtahan Mərkəzi iyulun 12-də I və IV ixtisas qrupları üzrə keçirilən qəbul imtahanının nəticələrini elan edib.

Sumqayit.tv xəbər verir ki, IV ixtisas qrupu üzrə hər iki mərhələnin yekununa əsasən maksimum 700 bal toplayan Sumqayıt şəhəri Təbiət Elmləri Təmayüllü Gimnaziyanın məzunu Tağızadə Samir Hikmət oğlu olub.

Məlumata görə, I ixtisas qrupu üzrə isə ən yüksək nəticəni – 697,5 bal toplamaqla Bakı şəhəri Heydər Əliyev adına liseyin məzunu Həsənli Zəfər İlqar oğlu və Qubadlı rayonu Qəzyan kənd tam orta məktəbinin məzunu Məhərrəmli Aysu Sakit qızı göstəriblər.

Qeyd edək ki, qəbul imtahanının birinci mərhələsində maksimum 300, ikinci mərhələsində isə 400 bal toplamaq mümkündür. Müsabiqə hər iki mərhələdə əldə olunan balların cəminə əsasən aparılır.

Bu gün, 18:46 7