Bu ilin yanvar-iyun aylarında İpoteka və Kredit Zəmanət Fondunun (İKZF) xətti ilə 226,3 milyon manat həcmində ipoteka krediti verilib.
Sumqayit.tv xəbər verir ki, bu barədə Azərbaycan Mərkəzi Bankının məlumatına istinadən bildirilib.
Məlumata görə, bu göstərici ötən ilin eyni dövrü ilə müqayisədə 2,8 faiz azdır.
Hesabat dövründə Fondun yenidən maliyyələşdirdiyi kreditlərin məbləği isə 39,7 faiz azalaraq 131,6 milyon manat təşkil edib.
Bundan başqa, son bir ildə İKZF-nin istiqraz buraxmaqla cəlb etdiyi vəsait 39,4 faiz azalaraq 200 milyon manata düşüb. Dövlət büdcəsindən Fonda ayrılan vəsait isə dəyişməyərək 42,6 milyon manat olub.
29-07-2026, 11:12
43
