Sumqayıt Şəhər İcra Hakimiyyətinin başçısı Zakir Fərəcov 18-ci mikrorayon ərazisində sakinlərlə növbəti səyyar qəbul keçirib.

Sumqayit.tv xəbər verir ki, qəbulda Şəhər İcra Hakimiyyətinin məsul əməkdaşları, eləcə də aidiyyəti idarə, müəssisə və təşkilatların rəhbərləri iştirak ediblər.

Səyyar qəbul zamanı sakinlər məşğulluq, sosial təminat, abadlıq-quruculuq işləri, kommunal xidmətlərin təşkili, məhəllədaxili yolların vəziyyəti və digər sosial-məişət məsələləri ilə bağlı müraciət və təkliflərini səsləndiriblər.

Zakir Fərəcov qaldırılan məsələləri dinləyərək aidiyyəti qurumların rəhbərlərinə müvafiq tapşırıqlar verib. Bildirilib ki, qısa müddətdə həlli mümkün olan problemlər operativ şəkildə aradan qaldırılacaq, əlavə araşdırma tələb edən müraciətlər isə nəzarətə götürüləcək.

Qeyd olunub ki, Sumqayıtda vətəndaş müraciətlərinin yerində öyrənilməsi və operativ həlli məqsədilə səyyar qəbullar mütəmadi olaraq davam etdirilir.

29-07-2026, 09:00 131