Sumqayıt Avtovağzalının ərazisində yerləşən avtobus dayanacağının vəziyyəti sakinlərin narazılığına səbəb olub.
Sumqayit.tv-yə daxil olan foto və vətəndaş müraciətində bildirilib ki, dayanacaq baxımsız vəziyyətdədir və uzun müddətdir burada hər hansı abadlıq və təmir işləri aparılmayıb.
Sakinlərin sözlərinə görə, şəhərə gələn qonaqlar Sumqayıtla ilk təəssüratlarını məhz avtovağzal ərazisindən formalaşdırırlar. Bu səbəbdən də dayanacağın mövcud vəziyyətinin şəhərin ümumi görünüşünə uyğun olmadığını qeyd edirlər.
Vətəndaşlar aidiyyəti qurumlardan avtovağzal ərazisindəki dayanacağın təmir olunmasını və abadlıq işlərinin aparılmasını xahiş edirlər.
Qeyd edək ki, xəbərdə yer alan məlumatlar Sumqayit.tv-yə ünvanlanan vətəndaş müraciəti və təqdim olunan foto əsasında hazırlanıb. Sumqayit.tv məsələ ilə bağlı aidiyyəti qurumun mövqeyini dərc etməyə hazırdır.
Bu gün, 10:58
8
