"Neftçi"dən ayrıldıqdan sonra işsiz qalan sumqayıtlı məşqçi Samir Abasovun karyerasını ölkə xaricində davam etdirə biləcəyi bildirilir.

Sumqayit.tv xəbər verir ki, Sport24.az-ın yaydığı məlumata görə, 48 yaşlı mütəxəssisə Şərqi Avropa ölkələrindən birinin yüksək liqasında çıxış edən klubdan təklif gəlib.

İddialara əsasən, tərəflər arasında artıq ilkin danışıqlar aparılıb. Samir Abasov isə qərar vermək üçün qarşı tərəfdən vaxt istəyib. Məsələyə yaxın bir həftə ərzində aydınlıq gələcəyi gözlənilir.

Qeyd edək ki, Samir Abasov məşqçilik karyerası ərzində "Sumqayıt", "Zirə" və "Neftçi" klublarını çalışdırıb. O, "Neftçi"ni sonuncu dəfə Azərbaycan çempionu edib, "Sumqayıt"ın baş məşqçisi olduğu dövrdə isə komandanı UEFA Konfrans Liqasına vəsiqə qazandırıb.

Bu gün, 14:31 8