Nazirlər Kabineti avtomobil nəqliyyatı ilə müntəzəm sərnişin daşımaları üzrə məsafə əsaslı xidmətlərə görə subsidiyanın hesablanması və ödənilməsi qaydasını təsdiqləyib.
Sumqayit.tv xəbər verir ki, bununla bağlı Baş nazir Əli Əsədov müvafiq qərar imzalayıb.
Qərara əsasən, yeni qaydalar Bakı, Sumqayıt, Gəncə, Naxçıvan və Xankəndi şəhərlərində, eləcə də Abşeron, Ağdam, Şuşa və Laçın rayonlarında fəaliyyət göstərən müntəzəm avtobus daşıyıcılarına şamil olunacaq.
Sənədə əsasən, sərnişinlərin ödədiyi gediş haqqı ilə daşıyıcının göstərdiyi xidmətin dəyəri arasında yaranan mənfi fərq dövlət subsidiyası hesabına ödəniləcək. Gediş haqqından toplanan vəsait isə Rəqəmsal İnkişaf və Nəqliyyat Nazirliyi yanında Azərbaycan Yerüstü Nəqliyyat Agentliyinin hesabına köçürüləcək.
Qaydada subsidiyaların hesablanması, ödənilməsi, daşıyıcılarla hesablaşmaların aparılması və xidmət dəyərinə yenidən baxılması mexanizmləri də əksini tapıb.
Bundan əlavə, Prezidentin 2025-ci il 19 sentyabr tarixli fərmanına uyğun olaraq, müəyyən edilmiş istismar müddətini və yürüş həddini keçmiş avtobusların müntəzəm sərnişindaşıma xidmətində istifadəsinə icazə verilməyəcək.
Bu gün, 12:15
7
