Bakı Ağır Cinayətlər Məhkəməsində Sumqayıt şəhər sakini Leyla Quliyevaya qarşı törədilən qəsdən adam öldürməyə cəhd işi üzrə məhkəmə prosesi davam edir.

Sumqayit.tv xəbər verir ki, prosesdə dövlət ittihamçısı təqsirləndirilən Fəxrəddin Quliyevin 15 il müddətinə azadlıqdan məhrum edilməsini istəyib.

Müdafiə tərəfi çıxış üçün vaxt istədiyindən növbəti məhkəmə iclası 5 avqust saat 15:30-a təyin olunub.

Xatırladaq ki, hadisə 2025-ci il dekabrın 2-də Bakı şəhərinin Səbail rayonu ərazisində yerləşən "Kontakt Home" mağazasında baş verib. İttihama görə, 34 yaşlı Fəxrəddin Quliyev mağazada çalışan həyat yoldaşı, Sumqayıt şəhər sakini 31 yaşlı Leyla Quliyevaya bıçaqla hücum edib. Zərərçəkən qaçmağa çalışsa da, təqsirləndirilən şəxs ona çataraq kürək nahiyəsinə çoxsaylı bıçaq zərbələri endirib.

Hadisədən sonra Leyla Quliyeva xəstəxanaya yerləşdirilib, Fəxrəddin Quliyev isə saxlanılıb. Faktla bağlı ona Cinayət Məcəlləsinin 29.120.1-ci (qəsdən adam öldürməyə cəhd) maddəsi ilə ittiham irəli sürülüb.

Mənbə: Lent.az

30-07-2026, 11:44 91