Magistraturaya qəbul üzrə boş qalan plan yerləri üçün əlavə müsabiqə keçiriləcək.

Sumqayit.tv xəbər verir ki, bu barədə Dövlət İmtahan Mərkəzinin (DİM) sədri Məleykə Abbaszadə magistraturaya qəbulun nəticələrini şərh edərkən bildirib.

Onun sözlərinə görə, bu il magistraturaya ayrılmış 17 658 plan yerinin 13 845-i, yəni 78,41 faizi dolub.

DİM sədri qeyd edib ki, 23 ali təhsil müəssisəsində plan yerlərinin 70 faizdən çoxu dolub. Onlardan 7-də qəbul göstəricisi 90 faizdən yuxarı olub. Həmçinin, 45 qəbul proqramı üzrə plan yerlərinin 70 faizdən çoxu, 8 proqram üzrə isə bütün plan yerləri tam dolub.

Məleykə Abbaszadə bildirib ki, qəbul olunanların elektron qeydiyyatı başa çatdıqdan sonra hazırda boş qalan 3 813 plan yeri, eləcə də qeydiyyatdan keçməyən bakalavrlar səbəbindən boşalan yerlərlə bağlı əlavə məlumat veriləcək və həmin yerlər üzrə yenidən müsabiqə təşkil olunacaq.

DİM sədri magistraturaya qəbul olunan bütün bakalavrları təbrik edərək onlara yeni təhsil mərhələsində uğurlar arzulayıb.

Bu gün, 13:18 11