Sumqayıtda dənizdə baş verən bədbəxt hadisə gəncin ölümü ilə nəticələnib.
Sumqayit.tv Shimal.News-a istinadən xəbər verir ki, Quba rayonunun Güləzi kəndindən olan dörd gənc işləmək üçün Sumqayıta gəlib. İstirahət günü onlar dənizdə çimərkən batma təhlükəsi ilə üzləşiblər.
Hadisə yerinə cəlb olunan Fövqəladə Hallar Nazirliyinin əməkdaşları 2001-ci il təvəllüdlü Məhəbbət Fətəliyev, 2000-ci il təvəllüdlü Sahil Mustafayev və 2001-ci il təvəllüdlü Elbrus Cəlalovu xilas ediblər.
Lakin 2005-ci il təvəllüdlü Niyaz Pirməmmədovun həyatını xilas etmək mümkün olmayıb. O, suda boğularaq həyatını itirib.
Məlumata görə, Niyaz Pirməmmədovun nəşi doğulduğu Quba rayonunun Güləzi kəndinə aparılıb və burada torpağa tapşırılıb.
Bildirilib ki, həyatını itirən gənc ailənin yeganə oğul övladı olub, üç bacının bir qardaşı idi.
Faktla bağlı araşdırma aparılır.
Bu gün, 17:18
9
