Sumqayıt şəhərinin 9-cu mikrorayonu, 28 nömrəli binanın qarşısında yerləşən kanalizasiya quyusunun qapağının qırıq vəziyyətdə olması sakinlərin narahatlığına səbəb olub.
Sumqayit.tv-yə daxil olan məlumata görə, quyunun təxminən 1,5 metr dərinliyi var və içərisi çirkab su ilə doludur. Sakin bildirib ki, məsələ ilə bağlı aidiyyəti quruma məlumat versə də, hələlik problem aradan qaldırılmayıb.
Onun sözlərinə görə, ərazidə hər gün çoxlu sayda azyaşlı uşaq oynayır və açıq vəziyyətdə qalan kanalizasiya quyusu ciddi təhlükə yaradır.
Sakin aidiyyəti qurumlardan problemin qısa müddətdə həll olunmasını və təhlükəli vəziyyətin aradan qaldırılmasını xahiş edir.
Sumqayit.tv aidiyyəti qrumların mövqeyini dərc etməyə hazırdır.
Bu gün, 13:43
11
