İpoteka və Kredit Zəmanət Fondu (İKZF) satmaq öhdəliyi ilə kirayə mexanizmi çərçivəsində Abşeron rayonunun Saray qəsəbəsində yerləşən 204 yeni mənzili vətəndaşların istifadəsinə təqdim edib.

Sumqayit.tv xəbər verir ki, Məhəmməd Əsədov küçəsində yerləşən tam təmirli mənzillər 1, 2 və 3 otaqlıdır. Mənzillər üzrə aylıq ödənişlər 620 manatdan başlayır.

Fonddan bildirilib ki, yeni mənzillərin seçimi 12 avqust saat 15:00-dan etibarən açıq olacaq.

Müraciətlər və yaşayış sahələrinin seçimi Elektron Hökumət İnformasiya Sisteminə (EHİS) inteqrasiya olunmuş "Elektron ipoteka və kredit zəmanət" sistemi vasitəsilə həyata keçiriləcək.

Qeyd edilib ki, müraciət prosesində təhlükəsizliyin və şəffaflığın təmin olunması məqsədilə mənzil seçimi SİMA biometrik identifikasiya üsulu ilə aparılacaq. 

Bu gün, 16:02 9