Sumqayıt şəhərində avtomobil təmiri sexində yanğın baş verib.
Sumqayit.tv xəbər verir ki, hadisə gecə saatlarında şəhərin Koroğlu prospektində qeydə alınıb.
Belə ki, 1980-ci il təvəllüdlü Emin Nadir oğlu Həşimovun icarəsində olan avtomobil təmiri sexi tamamilə yanıb. Sexə bitişik avtomobil ehtiyat hissələri mağazasının isə bir hissəsi yanğından zərər görüb.
Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikası cəlb olunub.
Yanğının digər obyektlərə keçməsinin qarşısı alınıb.
Hadisənin başvermə səbəbləri araşdırılır.
Mənbə: Report.az
Bu gün, 10:58
5
