Sumqayıt Dövlət Universiteti (SDU) magistratura səviyyəsinə qəbul olunan şəxslərə elektron qeydiyyat prosesi ilə bağlı vacib məlumat yayıb.

Sumqayit.tv xəbər verir ki, universitetdən bildirilib ki, qeydiyyat zamanı myGov portalına aşağıdakı sənədlər yüklənməlidir:

• cari ilin məzunları üçün ali təhsil müəssisəsini bitirmə haqqında arayış;
• bakalavr təhsilini əvvəlki illərdə başa vuranlar üçün diplom və diploma əlavənin surəti;
• ödənişli əsaslarla qəbul olunanlar üçün təhsil haqqının ödənilməsini təsdiq edən qəbz;
• sosial statusa malik bakalavrlar üçün müvafiq statusu təsdiq edən sənədlərin notariat qaydasında təsdiq edilmiş surətləri.

Universitet qəbul olunan magistrantlara qeydiyyat prosesini müəyyən olunmuş müddətdə tamamlamalarını tövsiyə edib.

Bu gün, 13:15 8