Sumqayıtın Corat qəsəbəsində yaşayan sakinlər istifadəsiz qalan qaz borularının yaratdığı problemlə bağlı narazılıqlarını bildiriblər.
Sumqayit.tv xəbər verir ki, Corat qəsəbəsi, Səttar Əliyev küçəsi 35 ünvanında yerləşən və "Azəriqaz" İB-yə məxsus olduğu bildirilən, istismar müddəti başa çatmış boş qaz boruları sakinlərin həyətyanı sahələrinə avtomobillə giriş-çıxışını çətinləşdirir.
Sakinlərin sözlərinə görə, problemlə bağlı dəfələrlə Sumqayıt Regional Qaz İdarəsinə müraciət olunub. Onlar bildirirlər ki, müraciətlərə baxmayaraq, istifadəsiz qalan boruların götürülməsi istiqamətində indiyədək heç bir tədbir görülməyib.
Sakinlər istifadəsi dayandırılmış boruların niyə ərazidən sökülmədiyi ilə bağlı aidiyyəti qurumdan açıqlama gözləyirlər.
Mənbə: Xeberekspress.com
Bu gün, 12:46
15
