Sumqayıt şəhərində 20-yə yaxın ailə bir aydır içməli su problemi ilə üzləşib.

Sumqayit.tv xəbər verir ki, problem şəhərin Xəzər bağları yaşayış massivində, Yuxarı küçə adlanan ərazidə qeydə alınıb.

Sakinlərin sözlərinə görə, suyun olmaması səbəbindən gündəlik məişət tələbatlarını ödəmək üçün suyu başqa ərazilərdən daşımağa məcbur qalırlar. Onlar bildirirlər ki, xüsusilə yay aylarında isti hava şəraiti vəziyyəti daha da ağırlaşdırır.

Məsələ ilə bağlı açıqlama verən Sumqayıt Sukanal İdarəsi isə qeyd edib ki, həmin ərazidə mərkəzləşdirilmiş su şəbəkəsi mövcud deyil. Bildirilib ki, istifadə olunan korrektor vətəndaşlar tərəfindən primitiv üsulla quraşdırılıb.

Problemin həlli istiqamətində görüləcək tədbirlərlə bağlı əlavə məlumat verilməyib.

Ətraflı məlumat "Xəzər Xəbər"in hazırladığı süjetdə təqdim olunub.

Bu gün, 12:04 12