Sumqayıt şəhərinin 9-cu mikrorayon ərazisində, "Bravo" marketinin qarşısında aparılan qazıntı işləri sakinlərin narazılığına səbəb olub.

Sumqayit.tv-ə daxil olan məlumata görə,ərazidə kanalizasiya xətlərinin yenilənməsi məqsədilə aparılan işlər nəticəsində yol tamamilə qazılıb və nəqliyyatın, eləcə də piyadaların hərəkəti çətinləşib. Sakinlərin sözlərinə görə, təmir işlərinin görülməsi zəruri olsa da, qazıntıların uzun müddət açıq qalması gündəlik gediş-gəlişdə ciddi problemlər yaradır.

Onlar bildirirlər ki, xüsusilə pik saatlarda ərazidə tıxac yaranır, piyadalar isə təhlükəli şəraitdə hərəkət etməyə məcbur qalırlar.

Sakinlər aidiyyəti qurumlardan işlərin operativ şəkildə başa çatdırılmasını və yolun qısa müddətdə əvvəlki vəziyyətinə qaytarılmasını xahiş edirlər.

Qeyd edək ki, Sumqayit.tv məsələ ilə bağlı aidiyyəti qurumun mövqeyini öyrənməyə çalışacaq.

Bu gün, 12:48 10