Quba rayonunda baş verən zəncirvari yol-nəqliyyat hadisəsində Sumqayıt sakini də xəsarət alıb.

Sumqayit.tv xəbər verir ki, hadisə bu gün səhər saatlarında Bakı–Quba avtomobil yolunun Qaraçay qəsəbəsindən keçən hissəsində qeydə alınıb.

Məlumata görə, yük avtomobili ilə "Kia" və "Toyota" markalı minik avtomobillərinin iştirakı ilə zəncirvari qəza baş verib. "Toyota" markalı avtomobilin sürücüsünün Sumqayıt sakini, 44 yaşlı Şəhla Əliyeva olduğu bildirilib.

Qəza nəticəsində hər üç nəqliyyat vasitəsinin sürücü və sərnişinləri Quba Rayon Mərkəzi Xəstəxanasına çatdırılıblar.

Hadisənin dəqiq başvermə səbəblərinin müəyyənləşdirilməsi məqsədilə avtotexniki ekspertiza təyin olunub.

Mənbə: Bizim.media

Bu gün, 16:37 10