Sumqayıt şəhər 21 nömrəli tam orta məktəbdə iki il davam edən əsaslı təmir və yenidənqurma işləri başa çatmaq üzrədir.

Sumqayit.tv xəbər verir ki, 2026–2027-ci tədris ilində istifadəyə veriləcək məktəbdə hazırda son tamamlama işləri aparılır.

Tikinti briqadiri Şahlar Qocayev bildirib ki, məktəbdə dam örtüyü, fasad, qapı-pəncərələr, döşəmə, elektrik və santexnika sistemləri tamamilə yenilənib. Bundan əlavə, yeni qazanxana, iki su anbarı, stadion, internet və kanalizasiya xətləri çəkilib.

Məktəbin direktoru Qədir Mikayılovun sözlərinə görə, 1971-ci ildə tikilən təhsil ocağı layihə üzrə 1176 şagird yerlik olsa da, hazırda burada 1938 şagird təhsil alır. Məktəbdə 126 müəllim çalışır və 78 sinif komplekti fəaliyyət göstərir.

Direktor qeyd edib ki, məktəbdə müasir akt zalı, elektron kitabxana, biologiya, fizika və kimya laboratoriyaları, "Rəqəmsal bacarıqlar" kabineti, texnologiya otağı, məktəbəhazırlıq sinfi, eləcə də sağlamlıq imkanları məhdud uşaqlar üçün xüsusi şərait yaradılıb.

Bildirilib ki, parta və avadanlıqların quraşdırılması sentyabrın 15-dək tam başa çatdırılacaq.

Mənbə: Muallim.edu.az

Dünən, 22:00 9