Sumqayıt şəhərinin 34-cü məhəlləsində yerləşən beşmərtəbəli yaşayış binasında yanğın baş verib.
FHN-dən verilən məlumata görə, yanğın binanın pilləkən qəfəsində quraşdırılmış elektrik lövhəsində qeydə alınıb. FHN əməkdaşlarının müdaxiləsi nəticəsində alovun mənzillərə keçməsinin qarşısı alınıb və yanğın qısa müddətdə söndürülüb.
Yanğın zamanı 2 ədəd elektrik kabeli və 6 elektrik sayğacı yanıb. Təhlükəsizlik məqsədilə 2-si azyaşlı olmaqla 6 sakin binadan təxliyə edilib.
Yaşayış binası və mənzillər yanğından mühafizə olunub.
Bu gün, 13:39
11
