Sumqayıtda yazıçı Kəramət Böyükçölə məxsus qeyri-yaşayış obyektləri ilə bağlı yeni qərar verilib.
Sumqayit.tv xəbər verir ki, Fövqəladə Hallar Nazirliyi (FHN) şəhərin Qaya küçəsi, giriş 143 ünvanında inşa olunan 3 qeyri-yaşayış binasının istismarına icazə verib.
Məlumata görə, obyektlərdən ən böyüyünün tikinti sahəsi 1 250 kvadratmetrdir. Digər iki obyektin sahəsi isə müvafiq olaraq 191 və 37 kvadratmetr təşkil edir.
Beləliklə, 3 obyektin ümumi tikinti sahəsi 1 478 kvadratmetr təşkil edir. Hər üç bina bir mərtəbəlidir.
FHN tərəfindən “Entre” MMC-nin hazırladığı layihə əsasında tikilən obyektlərə 22 iyun 2026-cı il tarixində istismara hazırlıq rəyi verilib.
Qeyd edək ki, obyektlərin sahibinin məşhur yazıçı Kəramət Böyükçöl olduğu bildirilir.
Məsələ ilə bağlı açıqlama verən Kəramət Böyükçöl obyektlərin sənədləşdirilməsi və gələcək planları barədə ironik üslubda danışıb.
Mənbə: Yeniavaz.com
Bu gün, 13:14
7
