Bu gündən ali məktəblərə qəbul olmaq istəyən abituriyentlər üçün ixtisas seçimi başlayıb.
Sumqayit.tv xəbər verir ki, Dövlət İmtahan Mərkəzinin (DİM) məlumatına əsasən, ixtisas seçimi 12–19 avqust tarixlərində həyata keçiriləcək.
Abituriyentlər ixtisas seçimi ilə bağlı Sumqayıt Dövlət Universitetində və digər ali təhsil müəssisələrində fəaliyyət göstərən “Abituriyent Məsləhət Mərkəzləri”nə müraciət edə bilərlər.
Mərkəzlərdə abituriyentlərə ixtisas seçimi, elektron ərizənin doldurulması və təsdiqlənməsi, müsabiqə şərtləri və qəbul qaydaları ilə bağlı ödənişsiz məsləhət verilir.
Bundan əlavə, DİM-in əməkdaşları müəyyən tarixlərdə rayon təhsil sektorlarında və bəzi məktəblərdə də abituriyentlərə ixtisas seçimi ilə bağlı köməklik göstərəcəklər.
Qeyd edək ki, DİM tərəfindən I, II, III və IV ixtisas qrupları üzrə müsabiqədə iştirak etmək hüququ qazanan abituriyentlər üçün ixtisas seçimi zamanı diqqət edilməli məqamlarla bağlı xüsusi kitabçalar da hazırlanıb.
Sumqayıtlı abituriyentlər, ixtisas seçimi üçün son tarixi unutmayın: 19 avqust!
Bu gün, 12:19
7
