Saray qəsəbəsində 204 yeni və tam təmirli mənzil bu gündən vətəndaşların seçiminə təqdim olunur.
Sumqayit.tv xəbər verir ki, İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində Saray qəsəbəsində, Məhəmməd Əsədov küçəsində yerləşən 1, 2 və 3 otaqlı mənzilləri vətəndaşlara təqdim edib.
Mənzillərin seçimi 12 avqust saat 15:00-dan etibarən başlayacaq. Mənzillər yeni və tam təmirli vəziyyətdədir.
Təqdim olunan mənzillər üzrə aylıq ödənişlər 620 manatdan başlayır.
Mənzillərin seçimi və müraciətlərin qəbulu “Elektron ipoteka və kredit zəmanət” sistemi vasitəsilə həyata keçiriləcək. Seçim prosesində vətəndaşların identifikasiyası üçün SİMA biometrik identifikasiya üsulundan istifadə olunacaq.
Vətəndaşlar təqdim olunan mənzillərin siyahısı və seçim prosesi ilə bağlı məlumatları müvafiq elektron sistemdən əldə edə bilərlər.
Bu gün, 13:12
36
