Sumqayıt şəhərinin 5-ci mikrorayonunda yerləşən 8/2 yataqxanasının sakinləri su təchizatı ilə bağlı problemdən narazıdırlar.

Sumqayit.tv-yə müraciət edən sakinlər iddia edirlər ki, yataqxanada xüsusilə günorta saatlarında su gəlmir və bu hal demək olar ki, hər gün təkrarlanır.

Sakinlərin sözlərinə görə, məsələ ilə bağlı aidiyyəti qurumlara dəfələrlə müraciət etsələr də, problemin həlli istiqamətində nəticə əldə olunmayıb. Onlar 955 qaynar xəttinə zəng etdiklərini bildirirlər.

Sakinlər həmçinin iddia edirlər ki, müraciətlərinə lazımi şəkildə baxılmır və problem həll olunmadan qalır.

Onlar aidiyyəti qurumlardan 8/2 yataqxanasında su probleminin araşdırılmasını və aradan qaldırılmasını xahiş edirlər.

Məsələ ilə bağlı aidiyyəti qurumların mövqeyini dərc etməyə hazırıq. 

Bu gün, 20:46 18