Sumqayıt şəhərində ağacların qanunsuz kəsilməsi faktı aşkarlanıb.
Sumqayit.tv xəbər verir ki, Dövlət Ekoloji Təhlükəsizlik Xidmətinin son bir həftə ərzində keçirdiyi nəzarət tədbirləri zamanı Sumqayıt, Bakı və Abşeron ərazisində yaşıllıqların qanunsuz kəsilməsi halları müəyyən edilib.
Araşdırma zamanı Sumqayıt şəhərinin 4-cü məhəlləsində ağacların qanunsuz kəsilməsi nəticəsində yaşıllıqlara ziyan dəydiyi müəyyən olunub.
Ümumilikdə Bakı, Sumqayıt və Abşeron üzrə yaşıllıqlara 71 940 manat məbləğində ziyan vurulduğu bildirilib.
Faktlarla bağlı toplanmış materiallar hüquqi qiymət verilməsi üçün hüquq-mühafizə orqanlarına göndərilib.
Mənbə: Pravda.az
Bu gün, 11:18
5
