Türkiyədə və İsraildə koronavirusun üçüncü dozasının tətbiqinə başlamaqla bağlı qərar çıxarıldı. Azərbaycanda da bu mövzu göz önündə saxlanılır.

Digər tərəfdən avropalı alimlər Sinovak və Astra Zeneka vaksinlərinin birgə tətbiqi ilə virusa qarşı daha effektiv mübarizə aparıla biləcəyini deyirlər. Bu yeni təcrübə insanlara nə vəd edir? Koronavirusa qarşı peyvənd hazırlamaqla məşhurlaşan Almaniyada yaşayan türkiyəli elm adamları Özləm Türəci və Uğur Şahin bəyan ediblər ki, onlar koronavirusun mutasiyaya uğramış variantlarına qarşı təsirli ola biləcək peyvəndi 100 gün ərzində hazırlaya biləcəklər. Onlar bildiriblər ki, vaxt keçdikcə koronavirus dərmanlara qarşı daha yaxşı mübarizə aparmağa başlayır. Buna görə də, yeni peyvəndlər daha çox təsirli olmalıdır. Bu ümidverici xəbərə əlbəttə sevinirik, amma iki vaksinin paralel tətbiqi və III dozanın vurulması xəbəri də müəyyən suallar yaradır. Əcəba bu dozaların dördüncüsü, beşincisi də olacaqmı?
Bizimyol.info-nun sualını cavablandıran professor Adil Qeybulla bildirib ki, vaksinasiya aktiv immunizasiyadır və burda yaradılan immunitet müəyyən bir müddətə hesablanır. “Biz konkret olaraq koronavirus vaksinlərinin nə qədər müddətdə effektiv olacağını bilmirik, çünki hələ tətbiqindən bir il keçməyib. Bir çox avropalı alimlər düşünürlər ki, Astra Zeneka ilə Sinovakın birləşmiş kombinasiyası Delta ştammı ilə mübarizədə daha effektlidir.

Hələlik bu virusla bağlı elmə dəqiq o bəllidir ki, 6 aydan sonra antitellər zəifləyir. Yeni ştammlar epidemioloji mənzərərni pisləşdirə bilər. III dozaqnın vurulması immunitetin gücləndirilməsi və dəstəklənməsi anlamına gəlir. Ona görə insanların immunitetli qalması kollektiv immunitetin yaranması yeganə çıxış yoludur.III dozanın vurulması zərurərti mötəbər mərkəzlərin birgə qərarıdır və Azərbaycan da bu qərarlara uyur. Delta ştmmı yeni xassələr əldə edib. İnkubasiya dönəmi 3 günə düşüb. O uşaqlara və gənclərə də ağır təsir etməyə başlayıb. Yoluxuculuq və yayılma qabiliyyəti sürətlənib, xəstəlik zamanı miqren kimi baş ağrısı, burun tutulması, boğaz ağrısı kimi klinik əlamətlərlə özünü göstərir.Gələcəkdə epidemioloji vəziyyət gərginləşərsə uşaqların da peyvənd olunması məsələsi müzakirə edilə bilər. Hesab edirəm ki, mutasiya prosesi get- gedə zəifləməyə doğru gedir , məncə virus bu yolla aradan çıxacaq.Vaksin olunan şəxslərdə immunitetin güclənməsi və mutasiyalara uğrayan virusun zəifləməsi ilə düşünürəm ki, pandemiya sona yaxınlaşacaqdır”,- deyə Adil Qeybulla bildirib.
“İki vaksinin birgə tətbiqi ilə immun sistemini müxtəlif yollarla daha çox qıcıqlandırmaq məqsədi qoyulub, hesab edirəm ki effektiv olacaqdır”,- deyə alim bəyan edib.
Bizimyol.info