Kürdəmir rayonunun Sığırlı kəndi ərazisində Bakı-Qazax magistral yolunda ağır yol qəzası baş verib.
Sumqayit.tv "Report"-a istinadən xəbər verir ki, “Mitsubishi Pajero” markalı avtomobil idarəetməni itirərək yol kənarındakı beton dirəyə çırpılıb.

Qəza nəticəsində Bakı və Sumqayıt sakinləri — 1946-cı il təvəllüdlü Qaraşova Məxmər Xalıqverdi qızı, 1979-cu il təvəllüdlü Qaraşov Maxsud Savalan oğlu, 1990-cı il təvəllüdlü Qaraşova Aytac Elxan qızı və 2010-cu il təvəllüdlü Qaraşov Yusif Maxsud oğlu müxtəlif dərəcəli bədən xəsarətləri alıb.

Yaralılar təcili tibbi yardım maşını ilə xəstəxanaya yerləşdirilib. Faktla bağlı araşdırma aparılır.