Saray qəsəbəsi ərazisində baş verən ağır yol-nəqliyyat hadisəsi nəticəsində bir nəfər dünyasını dəyişib, üç nəfər isə xəsarət alıb.

Xəbər verdiyimiz kimi, qəza zamanı Mitsubishi, Ravon, Opel və Toyota markalı avtomobillər toqquşub.

Sumqayit.tv-in əldə etdiyi məlumata görə, dünyasını dəyişən şəxs — 1990-cı il təvəllüdlü İnqilabzadə Elxan İlham oğlu olub. O, Sumqayıt şəhər Mühafizə Polisinin əməkdaşı kimi xidmət edirdi.

Məlumata əsasən, Elxan İnqilabzadə təxminən 10 gün əvvəl səhhətində yaranan problem səbəbindən əməliyyat olunmuşdu. Hadisə baş verən gün isə o, dostunun avtomobilində Bakıya Qospitala müayinəyə gedib və evə qayıdarkən qəza baş verib.

Xəstəxanaya çatdırılan Elxan İnqilabzadənin həyatını xilas etmək mümkün olmayıb. Qəza anında onun avtomobilin arxa oturacağında uzandığı bildirilir. İlkin ehtimala görə, hadisə arxadan zərbə nəticəsində baş verib.
Hadisə ilə bağlı araşdırma aparılır.

Allah rəhmət eləsin.

Mənbə: Sumqayit.tv