Perunun paytaxtı Limada keçirilən Qran-pri turnirində Azərbaycan cüdoçuları daha bir uğura imza atıblar.

Sumqayit.tv xəbər verir ki, 81 kq çəki dərəcəsində mübarizə aparan Ömər Rəcəbli üçüncü yer uğrunda qarşılaşmada Ukrayna təmsilçisi Mixaylo Svidraka məğlub edərək bürünc medal qazanıb.

Qeyd edək ki, turnirdə digər idmançılarımız da uğurla çıxış ediblər. Əhməd Yusifov (60 kq) gümüş, Könül Əliyeva (48 kq), Ruslan Paşayev və Rəşad Yelkiyev (hər ikisi 66 kq) bürünc medal əldə ediblər.

Bu nəticə ilə Ömər Rəcəbli Sumqayıtı və Azərbaycanı beynəlxalq arenada layiqincə təmsil edib.