Abşeron rayonunun Saray qəsəbəsində baş verən ağır yol-nəqliyyat hadisəsi nəticəsində bir nəfər ölüb, üç nəfər isə xəsarət alıb.

Sumqayit.tv xəbər verir ki, hadisə oktyabrın 9-da saat 15:20 radələrində baş verib. Qəza zamanı Mitsubishi, Ravon, Opel və Toyota markalı minik avtomobilləri toqquşub.

Sumqayıt Tibb Mərkəzindən verilən məlumata görə, hadisə nəticəsində 4 kişi hospitalizasiya olunub. Döş qəfəsinin hematoması diaqnozu ilə Reanimasiya şöbəsinə yerləşdirilən 1990-cı il təvəllüdlü İngilabzadə Elxan İlham oğlu aparılan bütün tibbi yardımlara baxmayaraq dünyasını dəyişib.

Digər üç yaralıya Təcili Tibbi Yardım Xəstəxanasında zəruri tibbi xidmətlər göstərilir və onların vəziyyətinin stabil olduğu bildirilir.

Faktla bağlı araşdırma aparılır. //Report