Sumqayıt Şəhər Polis İdarəsi tərəfindən yol hərəkətinin təhlükəsizliyini təmin etmək məqsədilə keçirilən profilaktik tədbirlər zamanı narkotik maddə qəbul etmiş avtobus sürücüsü saxlanılıb.

Hadisə Sumqayıt şəhəri ərazisində baş verib. Profilaktik tədbir zamanı 123 saylı marşrut xətti üzrə hərəkət edən 50-AF-276 dövlət qeydiyyat nişanlı sərnişin avtobusu saxlanılıb.

Avtobusu idarə edən Şahin İbrahimovun narkotik maddə qəbul etdiyi barədə şübhə yarandığı üçün yol polisi tərəfindən tibbi müayinəyə aparılıb. Müayinə nəticəsində sürücünün narkotik maddə qəbul etdiyi təsdiq edilib.

Faktla bağlı inzibati protokol tərtib olunub və iş məhkəməyə göndərilib. Məhkəmənin qərarı ilə Şahin İbrahimov 2 il müddətinə sürücülük hüququndan məhrum edilib və 30 gün inzibati həbs cəzası alıb.

Videonu təqdim edirik: