---

 Elm və Təhsil Nazirliyinin tabeliyində olan elmi müəssisələrin fəaliyyəti optimallaşdırılıb.                      Sumqayit.tv xəbər verir ki, bu barədə Baş nazir Əli Əsədov qərar imzalayıb.

Qərara əsasən, bir sıra elmi institutlara publik hüquqi şəxs statusu verilib və onların bir qismi müxtəlif universitetlərin tabeliyinə keçirilib.

Xüsusilə, Polimer Materialları İnstitutu Sumqayıt Dövlət Universitetinin tabeliyinə verilib. Bu qərar Sumqayıtda elmi-tədqiqat potensialının gücləndirilməsi və universitetin bazasında elmi fəaliyyətin genişləndirilməsi məqsədi daşıyır.

Yeni yaradılan publik hüquqi şəxslərin təsisçisinin səlahiyyətlərini Azərbaycan Respublikasının Nazirlər Kabineti, elmi müəssisələrin yenidən təşkili və ləğvini isə Elm və Təhsil Nazirliyi həyata keçirəcək.