Ekologiya və Təbii Sərvətlər Nazirliyi qanunsuz ov hallarının qarşısını almaq məqsədilə yanvar-fevral aylarında geniş nəzarət tədbirləri həyata keçirib.

Sumqayit.tv-yə nazirlikdən verilən məlumata görə, yoxlamalar Bakı şəhəri Pirallahı, Qaradağ, Suraxanı rayonlarında, Sumqayıtın Hacı Zeynalabdin Tağıyev qəsəbəsində, Abşeron, Xızı, Neftçala, Qağalı, Şirvanlı, Xaçmaz, İmişli, İsmayıllı, Sabirabad və Şəmkir rayonlarında, eləcə də Mahmudçala, Zəvvar, Qırmızıkənd, Varvara, Sarısu ovçuluq təsərrüfatlarında aparılıb.

Nəticədə ov qaydalarının pozulması faktları aşkarlanıb və bu qanun pozuntularına görə 67 yerli və 8 xarici vətəndaşa ümumilikdə 82 min manat cərimə tətbiq edilib. Faktlarla bağlı akt və protokollar tərtib olunub.