IDEA və Ekologiya və Təbii Sərvətlər Nazirliyinin birgə həyata keçirdiyi Yaşıl Marafon kampaniyası çərçivəsində baş tutan və Yer Günü 2022-yə həsr olunan tədbir zamanı könüllülər tərəfindən Bakıda 1000 ağac əkilib. Bu ilki Yer Günü “Planetimizə investisiya edək” şüarı altında keçirilir və bu kimi tədbirlər də bizim kiçik töhfəmizdir.

Bu dəfəki ağacəkmənin iştirakçıları ETSN yanında İctimai Şuranın nümayəndələri, Bakı Dövlət Universiteti, Azərbaycan Dövlət Pedaqoji Universiteti, Azərbaycan Diplomatik Akademiyası, Bakı Modern Təhsil Kompleksi və Sumqayıt N.Tusi adına 12 nömrəli məktəbin müəllim, tələbə və şagirdləri olub.