İtaliya mətbuatı "Fənərbağça"nın baş məşqçisi Joze Mourinyonun kluba transfer etmək istədiyi hücumçunun adını açıqlayıb.
Sumqayit.tv metbuat.az-a istinadən xəbər verir ki, Mourinyo mərkəz hücumçu mövqeyində Lukakunu oynatmaq istəyir. "La Gazzetta dello Sport"un xəbərinə görə, "Fənərbağça" Lukakunu transfer etmək üçün hərəkətə keçib. Məlumata görə, belçikalı hücumçunu heyətində görmək istəyən yeganə məşqçi Mourinyo deyil. Xəbərdə futbolçu ilə "Napoli" ilə müqavilə imzalayan Antonio Kontenin də maraqlandığı bildirilib.
Ötən mövsüm icarə əsasında "Roma"da oynayan Lukakunun satışından "Çelsi"nin 43 milyon avro gəlir gözlədiyi bildirilib.