Azərbaycanda metadonla əvəzedici müalicə proqramı çərçivəsində Sumqayıt şəhərində 125 nəfər müalicə alır.

Sumqayit.tv xəbər verir ki, bu barədə Narkomanlığa və Narkotik Vasitələrin Qanunsuz Dövriyyəsinə qarşı Mübarizə üzrə Dövlət Komissiyasının 2026-cı ilin yanvar-mart ayları üzrə məlumatında qeyd olunub.

Məlumata əsasən, ölkə üzrə ümumilikdə 3 məntəqədə 698 nəfər bu proqramdan yararlanır. Onlardan 276 nəfər Respublika Narkoloji Mərkəzində, 297 nəfər QİÇS-lə Mübarizə Mərkəzində, 125 nəfər isə Sumqayıt Narkoloji Mərkəzində müalicə alır.

Hesabatda həmçinin bildirilib ki, cari ilin ilk üç ayı ərzində “802” qaynar xəttinə 183 müraciət daxil olub. Bu müraciətlərin 16-sı narkotik vasitələrin qanunsuz dövriyyəsi, 16-sı narkotik asılılıqdan müalicə, 151-i isə digər məsələlərlə bağlı olub.

Qeyd edək ki, metadonla əvəzedici müalicə proqramı narkotik asılılığı olan şəxslərin müalicəsi və reabilitasiyası məqsədilə həyata keçirilir.

15-04-2026, 12:59 285