Sumqayıt şəhərində 2026–2027-ci tədris ili üçün uşaqların birinci sinfə elektron qeydiyyatı prosesində ərazi prinsipi tətbiq olunacaq.
Sumqayit.tv xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.
Bildirilib ki, şagird sıxlığının qarşısını almaq məqsədilə bəzi məktəblərdə həmin təhsil müəssisələrinin mikroərazisində daimi qeydiyyatda olan vətəndaşlara üstünlük veriləcək. Eyni zamanda valideynlərdən birinin həmin məktəbdə işləməsi və ya uşağın bacı və ya qardaşının orada təhsil alması da prioritet kimi nəzərə alınacaq.
Məlumata əsasən, Sumqayıt şəhərində aşağıdakı məktəblərdə ərazi prinsipi tətbiq olunacaq:
Qeyd edək ki, Abşeron rayonu üzrə dislokasiya (ərazi prinsipi) tətbiq olunmur. Burada yalnız digər iki meyar – valideynlərdən birinin həmin məktəbdə işləməsi və ya uşağın bacı-qardaşının həmin məktəbdə təhsil alması əsas götürüləcək.
Abşeron üzrə siyahıya daxil olan məktəblər isə bunlardır:
Mikroərazidə daimi qeydiyyatı olmayan valideynlər isə şagird sıxlığı olmayan məktəblərə, eləcə də müəyyən edilmiş müddətdən sonra prioritet tətbiq edilən məktəblərdə boş qalan yerlərə müraciət edə biləcəklər.
Bildirilib ki, daimi qeydiyyat ünvanı dislokasiyaya uyğun gəlməyən valideynlər 17 fevral – 15 aprel 2026-cı il tarixlərində Sumqayıt şəhər 2 saylı “ASAN xidmət” mərkəzinə müraciət edərək müvafiq forma vasitəsilə təklif və rəylərini təqdim edə bilərlər.
Qeyd edək ki, I sinfə qəbul prosesi www.mektebeqebul.edu.az portalı üzərindən həyata keçirilir.
15-04-2026, 09:51
434
