Sumqayıt şəhərində ictimai nəqliyyat infrastrukturu ilə bağlı problem yaşanır.
Sumqayit.tv-yə verilən məlumata görə, şəhərin Zülfü Hacıyev küçəsində, Heydər Əliyev parkının yaxınlığında yerləşən avtobus dayanacağında məlumat lövhəsi bir neçə gündür aşaraq yerə düşmüş vəziyyətdə qalıb.
Sözügedən vəziyyət ərazinin ümumi görünüşünə mənfi təsir göstərməklə yanaşı, piyadaların hərəkətinə də maneə yaradır. Eyni zamanda, avtobus marşrutlarının hərəkət qrafiki ilə bağlı məlumat almaq istəyən sərnişinlər də çətinliklə üzləşirlər.
Sakinlərin sözlərinə görə, problem günlərdir davam etsə də, indiyədək məsələ ilə bağlı hər hansı tədbir görülməyib.
Vətəndaşlar aidiyyəti qurumlardan problemin qısa müddətdə aradan qaldırılmasını tələb edirlər.
VİDEO LİNK: Sumqayıt şəhəri Zülfü Hacıyev küçəsində, Heydər Parkının yaxınlığında ... | TikTok
18-04-2026, 14:36
294
