Sumqayıtda aprelin 19-da bir sıra imtahanların keçirilməsi nəzərdə tutulub.
Sumqayit.tv xəbər verir ki, bu barədə Dövlət İmtahan Mərkəzi məlumat yayıb.
Bildirilib ki, qeyd olunan tarixdə əvvəlki illərin məzunları üçün qəbul imtahanının I mərhələsi, V ixtisas qrupu üzrə ali təhsil müəssisələrinə və 11 illik təhsil bazasında kolleclərə qəbul imtahanı keçiriləcək.
Eyni zamanda, müsabiqədə buraxılış imtahanında verdiyi xarici dildən fərqli dil üzrə iştirak etmək istəyən cari ilin məzunları üçün əlavə xarici dil imtahanı, həmçinin qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə tədris dili imtahanı təşkil olunacaq.
Bununla yanaşı, mart ayında keçirilmiş buraxılış imtahanlarında üzrlü səbəblərdən iştirak edə bilməmiş və barəsində Mərkəzə müraciət edilmiş cari ilin XI sinif şagirdləri üçün buraxılış imtahanı da baş tutacaq.
Həmçinin eksternat qaydasında XI sinif üzrə yekun attestasiyada iştirak etmək istəyən şəxslər, əvvəlki illərin məzunları və müxtəlif səbəblərdən buraxılış imtahanlarında iştirak edə bilməmiş şəxslər üçün də imtahan keçiriləcək.
Qeyd edək ki, imtahan saat 11:00-da başlayır. İmtahanların başlanmasına 15 dəqiqə qalmış – saat 10:45-də buraxılış rejimi başa çatır və bu vaxtdan sonra gələn iştirakçılar imtahan binasına buraxılmır.
İştirakçıların imtahan binasına rahat daxil olması üçün müxtəlif gəlmə vaxtları müəyyən edilib və həmin vaxt buraxılış vərəqəsində qeyd olunub. Abituriyentlərə imtahan binasına məhz həmin vaxtda gəlmək tövsiyə olunur.
İmtahanda iştirak etmək üçün aşağıdakı sənədlər tələb olunur:
15-04-2026, 19:28
300
