Ənənəvi istehlak vərdişlərinin əksi olaraq, Ramazan ayında iftar və sahur süfrələrində xurmaya tələbat daha çox olur.
Musavat.com xəbər verir ki, bədənin sağlamlığını dəstəkləyən, yüksək qida dəyərinə malik olan xurma istehlakı müxtəlif faydalar təmin edir.
Bəs xurmanın faydaları nələrdir?
- Xurma müntəzəm olaraq istehlak edilərsə, bir çox bədən funksiyalarının ideal səviyyədə işləməsinə kömək edir.
- Sıx lif sayəsində həzmi tənzimləyir. 1 stəkan (100 qram) xurmanın tərkibində təxminən 8 qram lif var. 
- Qan şəkəri balansını qorumağa kömək edir.
- Tərkibində yüksək miqdarda antioksidant var.
- Beyin sağlamlığını dəstəkləyir.
- Tərkibindəki amin turşusu cinsi gücün artmasını təmin edir.
- Xurma vitamin və minerallarla zəngin tərkibi ilə saçların sağlam inkişafını dəstəkləyir. 100 qram xurma gündəlik tələb olunan dəmir miqdarının 5%-ni qarşılayır. 
- Klinik tədqiqatlar müntəzəm xurma istehlakının doğuşu asanlaşdıran təsirlərini ortaya qoyur. Xurmanın tərkibindəki maqnezium hamiləlik kramplarının azalmasına kömək edir, fol turşusu isə körpənin sinir sisteminin inkişafını dəstəkləyir.
Bəs xurmanın neçə kalorisi var?
ABŞ Kənd Təsərrüfatı Departamentində fəaliyyət göstərən Kənd Təsərrüfatı Tədqiqat Xidmətinin 2018-ci ildə dərc etdiyi məlumatlara görə, 100 qram xurma təxminən 282 kalori ehtiva edir. Xurma həm də karbohidratla zəngin bir meyvədir. Bu meyvənin şəkəri, əsasən, qlükoza və fruktozadan ibarətdir. Digər quru meyvələr kimi onun yüksək qida dəyəri və lif tərkibi xurmanı sağlam enerji mənbəyi edir. Bu səbəblə xurma gün ərzində sıx fiziki və zehni fəaliyyətlə məşğul olan şəxslər üçün ideal hesab edilir. Xurma da az yağ və zülal tərkibinə görə idmanla məşğul olanlar tərəfindən asanlıqla istehlak edilə bilər.